پنجشنبه , 19 جولای 2018
کورپاڼه / خبرونه / ناټو به تر ٢٠٢٤ پورې دافغانستان ملاتړ کوي

ناټو به تر ٢٠٢٤ پورې دافغانستان ملاتړ کوي

د ناټو سر مشریزه غونډې کې پرېکړه کړه ، چې د ناټو غړي هېوادونه او دغه راز د افغانستان نور ملګري هېوادونه به  د ۲۰۲۴ کال تر پایه د افغانستان امنیتي ځواکونو مالي ملاتړ روان ساتي

په بروکسلز کې  د ناټو په سرمشریزه کې د افغانستان اړوند مسایلو باندې خبرې وشوې. افغان پلاوي د ناټو د دغې ژمنې هرکلی وکړ او دا یې د افغان پوځ او نورو امنیتي ځواکونو د روزنې په بهیر کې مهم ګام وباله.

د ناټو عمومي منشي ینسټوسټلبرګ وویل، ناټو غړي هېوادونه او د افغانستان نور ملګري هېوادونه ژمن دي، چې  د ۲۰۲۴ کال تر پایه د افغانستان امنیتي ځواکونو مالي ملاتړ روان ساتي

دوه کاله مخکې د وارسا په سر مشریزه کې ناټو هوډ څرګند کړی و، چې تر ۲۰۲۰ کاله به د افغان امنیتي ځواک مالي ملاتړ کوي.

اوس دغه مرستې تر ۲۰۲۴ کاله پورې غځول شوې دي. د ناټو  غونډه کې د افغانستان د سولې پر بهیر هم خبرې وشوې. افغان پلاوي له ناټو او خپلو نورو نړیوالو ملګرو وغوښتل چې افغان جګړې ته له سیاسي لارې د پای موندلو کې ورسره مرسته وکړي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *