یکشنبه , 22 جولای 2018
کورپاڼه / سلايډ / اخلاق

اخلاق

س،سیرت
د چاشکل دانسان جوړترې حیوان شي
په اخلاقو پیژند نه د انسان شي
ځانله ځانله تل په ځانله لارو درومي
یود بل سره چې یوشي لوی کاروان شي
تفکر چې ېې فطري د خدمت نه وي
داسې خلک نه د بل شي نه د ځان شي
د خپل سر په بدل ساتي چي سرونه

د هغو خلکو سرونه په امان شي
که په روح باندې توپیر شي د ژوندیو
بې احساسه انسانان به هم بوتان شي
ژوند چې زار له ژوندانه شي قیمتي شي
بختور شي هم د ځان هم د جهان شي
ابوجان او امي جان چې وايي کورکې
عاقبت په پښتانه هم پنجابیان شي
پدې هیله سرسجدې ته وړي سیرت چې
سخت سوالونه د لحد ورته اسان شي

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *