پنجشنبه , 24 مې 2018
کورپاڼه / خبرونه / افغانستان له پاکستان څخه د کرکټ لوبه وگټله
26731763_10156032076634464_2348435403988490440_n

افغانستان له پاکستان څخه د کرکټ لوبه وگټله

د نوولس کلونو د کرکټ د نړیوال جام لوبې چې په نیوزیلنډ کي دوام لري، افغان لوبغاړو پاکستان ته د پنځو ویکټو په توپیر ماته ورکړه.

لومړی بیټنګ پاکستان وکړ، چي په اته څلوېښتم اوور کي یې ټول لوبغاړي د یوسل او اته اتیا منډو په جوړېدو وسوځېدل.

د افغانستان له لوري په باولرانو کي عظمت الله او قیس احمد د پاکستان درې درې لوبغاړي وسوځول او د افغانستان په بیټسمینانو کي دروېش رسولي۷۶ منډي جوړي کړې او تر اخره ونه سوځېدی.

د پاکستان په بیټسمینانو کي د نظر په نوم د سر یوه لوبغاړي یو اتیا منډي جوړي کړې، د اصف په نوم یوه بیټسمن دیرش منډي وکړې او نور اکثر لوبغاړي یې په لږو منډو اوټ شول.

 

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *