دوشنبه , 11 دسمبر 2017
کورپاڼه / سلايډ / آآآه القدس
_99098134_187884ad-584c-448e-a37b-3c43dc1ed7e2

آآآه القدس

ابو یاسر افغان
دا دې بلاخره هغه ورځ هم را ورسېده چې د حضرت عمر فاروق رضی الله عنه او سلطان صلاح الدین ایوبي رحمه الله له لوري موږ ته امانت سپارل شوی بیت المقدس رسماً د یهودو پلازمېنه وټاکل شوه!!
امت ویده دی، عربي او عجمي حکام ویده دي، د شهیدانو ارواوې ناقراره شوې، د القدس له منارو د حال په ژبه د بې وسۍ کړیکي اورو، آه القدس! آه مسجد اقصی! دا څه وشول، چېرته دي عربي او عجمي مشران؟؟ چېرته دي د اسلامي کانفرانس غړي؟ څه شو عربي ائتلاف؟؟ ولې داسې خاموشي ده؟؟
نن په تاریخ کې هغه ورځ ده چې صلیبي او یهودي نړۍ د اسلامي امت سره کرښه هم کراس کړه د اسلامي امت د غیرت او عزت پر حدودو یې خپلې خیرنې پښې کېښودې؛ چېرته دي هغه لاپوګان چې وایي موږ تر تاسو ښه مسلمانان یو موږ د کفارو سره جهاد کوو نن ولې ورک دي؟؟
د القدس پر ګومبزو خړ ګردونه پراته دي، د مسجد اقصی پر غولي د یهودي عسکرو د خړو موزو چټل پلونه بیا تازه شول، نن په امریکا، اروپا او اسرائیلو کې د یهودو او صلیبیانو جشنونه لمانځل کېږي، نن د اسلامي امت د غیرت امتحان واخېستل شو او پایله یې صفر را ووته!!
آآه چې دغو مکارو او ډارنو یهودو څنګه دومره جرأت وکړ، نن د اسرائیلو او امریکا طیارو ته تېل هم د سعودي آل سلول وړیا ورکوي او درست امت دغې حالت ته د خجالت نه ټيټ سرونه نیولي دي، هغه په تورو غرونو کې ورک غازي لالی به، چې ټولې دنیا یې پر خلاف د جنګ توغ پورته کړی اخر کومې خواته شي، په داسې حال کې چې ټول یهود لس میلیونه نه دي د یو نیم میلیارد مسلمانانو پر دیني او عقیدوي مقدساتو تیرې کوي اخر دا د بې غیرتۍ خوب به کله زموږ له سترګو والوځي، موږ به تر څو د دنیا په لهو لعب اخته یو، آیا موږ هم غیرتي مسلمانان یو؟؟؟ آیا واقعي مسلمانان دومره بزدله جوړېدای شي؟؟؟
آآآه مسجدالاقصی! موږ پر تا غیرت و نه شو کړای، موږ درته پړ یو، موږ خو د دنیا له لهو لعب څخه نه وزګاریږو، موږ خو لا د مخه ته د عربو شخصي ملکیت بللی وی او ویلي مو وو چې عرب پوه شه او اقصی!!!
نن یهودو خپله بهادري وښودله او ټول اسلامي امت ته یې د مقابلې ټټر وواهه، خو اسلامي امت کې داسې غیرتي څوک نشته چې د امریکا د دغې ستر خیانت او د یهودو د دغه شیطاني جسارت او حماقت په بدل کې د یهودو ککرۍ ورماتې کړي، موږ بې وسه نه یو، خو بې همته یو، بې زړه یو؛ ځکه خو مو پر تندي دا د شرم داغ هم ولګېدۀ!!
القدس… القدس … القدس

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *