چهارشنبه , 22 نوومبر 2017
کورپاڼه / پېښې،اندېښنې اوڅرګندونې / طالبان اسلامي او ملي گټې نه شي پرېښوداى
hadad_pic(

طالبان اسلامي او ملي گټې نه شي پرېښوداى

ارواښاد قدرت الله حداد ((فرهاد ))

د افغانستان خلک او طالبان اسلامي او ملي گټې نه شي پرېښوداى او په سندرو او نڅا په منډو او فلمونو، چې لومړنۍ اړتيا وې نه دي، کرزى ځان نه شي ساتلى. دوى يوه ښه خندا، او ښه سندره ورته ووايي دى به هم وخاندي خو دا بيارغاونه کيداى نه شي. افغانستان کښې پوه خلک نشته هغوى له دې حالاتو سره جوړيدلي نه شي. کسنگر، چې کوم کتاب ليکلى د هغه نوم دى ((د امريکې بهرنى سياست)) ليکوال ته دا عجبه ښکاره شوه، چې د کتاب قيمت يو ډالر ا و پنځه ويشت سنټه ليکل شوى، چې ډېر ارزانه دى. دا د دې لپاره، چې هر څوک يې ترلاسه کړي که هسې نه وي، بيا يو کتاب هر څنگه، چې دومره ارزانه نه وي.

د کتاب په دوه يمه برخه کښې دغه سريزه ده ((د اداري جوړښت اغيزه))

(The Impact of the Administrative Structure) په دې برخه کښې دى وايي، چې اداره څه نا څه يو څه خپلواکي ولري. مطلب، چې پرته له خپلواکۍ څه نه شي کيداى، هر څوک، چې ملي واگي په غاړه اخلي يو واک ولري. دا پښتونولي ده، چې واگ او واک سره تړلي دي. هيڅ واگي بې واکه نه شي کيداى. کومه جرگه، چې کابل کښې د امن په نامه جوړه شوې وه يوه شينواري قومي مشر وويل: ((د امن جرگه به هله بريالۍ شي، چې بشپړ واک ولري)) يوه خبره د ا مريکې د پخواني بهرنيو چارو وزير کړې او بله د شينواري يو قومي مشر. دا دواړه وگورئ بيا په اتلسمه  پېړۍ کښې د نوميالي ميرويس نيکه اوڅاره خبره، چې :

((هوښياران يوازې په ماڼيو کښې نه وي د پښتنو په غرو رغو کښې هم هوښياران شته)) او دا خبره د کاڼې کرښه ده، خوشحال خان بابا وايي: دا د ده د وخت او حالاتو خبره ده که په هغه څوک پوه وي:

ځينې لويې دعوې لرم په زړه کښې

باري څه کړم چې پښتون واړه بې ننگ دى

دا د ارمانجن ماڼيجن خوشحال بابا خبره ده.

ليکوال کله انگليسي جملې کټ مټ راواخلي. د دې لپاره، چې له ځانه خبرې نه کوي،  حکومت يو تعريف لري. اوهر حکومت حکومت نه شي کيداى، چې لږ يا ډېره خپلواکي ونه لري هغه څه، چې کوي يا يې نورو ته وايي: او دا انگليسي جملې:

In the contemporary period, the very natural of the governmental structure introduces on element of rigidity, which operates more or less independently of the conviction of statesmen or the ideology, which they represent.

د رحمان و سوزان شعر ته حيران يم

چې يې اور بل شوى نه دى په ديوان

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *