سه شنبه , 19 مارچ 2019
کورپاڼه / خبرونه / د افغانستان، پاکستان او چین درې اړخیزه ناسته په کابل کې پيل شوه

د افغانستان، پاکستان او چین درې اړخیزه ناسته په کابل کې پيل شوه

 د افغانستان، پاکستان او چین درې اړخیزه غونډه نن په کابل کې پيل شوه چې د متقابل باور جوړونې، سولې، پراختیايي همکاریو، سیمه ییزې نښلونې او له تروریزم سره د مبارزې په څېر موضوعاتو باندې بحث وشي.
د بهرنیو چارو وزارت یوې سرچینې ویلي چې د درې واړو هېوادونو د بهرنیو چارو وزیرانو په کچه د دویم دور په دغو خبرو اترو کې به یو هوکړه لیک هم لاسلیک شي.
تر دې وړاندې د بهرنیو چارو وزارت کې یوې سرچینې د ۸ صبح ورځپاڼې ته ویلي وو چې په دې ناسته کې د بهرنیو چارو وزیرانو په کچه د چین او پاکستان پلاوي ګډون کوي او د افغانستان، پاکستان او چین ترمنځ د امنیتي او سرحدي همکاریو یو تړون به هم په ارګ کې د ولسمشر غني په حضور کې لاسلیک شي.
د افغانستان، پاکستان او چین درې اړخيزه غونډه تېر کال د چين په بیجینگ ښار کې ترسره شوه؛ په یاده غونډه کې د افغانستان، پاکستان او چین بهرنیو چارو وزیرانو هڅه وکړه څو د کابل او اسلام اباد ترمنځ اختلافات کم شي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *