دوشنبه , 15 اکتوبر 2018
کورپاڼه / خبرونه / اسراییلو ٢٥٧ فلسطینیانو مرگ ژوبله اړولې ده

اسراییلو ٢٥٧ فلسطینیانو مرگ ژوبله اړولې ده

له اسراییلو سره پر پوله په  غزې  کې د لاریون په درشل کې د اسراییلو دفاع وزیر ويلي دي ک چې غزې تړانګې ته ‘سم لاسي د سون توکو’ رسول ودرول شي

له بله خوا  اسراییلي پوځ ۷ فلسطینیان وژلي دي  او ۲۵۰ نور یې ټپیان کړي دي .

د اسراییلو دفاع وزیر اویګدور لیبرمن په یوه خبرپاڼه کې ویلي: ”په غزه تړانګه کې د جدي پېښو په درشل کې، دفاع وزارت د سون توکو د استولو سم لاسي درولو امر کوي.”

په تېرو شاوخوا شپږو میاشتو کې فلسطینیان له اسراییلو سره پر پوله لاریونونه کوي چې تر اوسه ۲۰۰ فسلطینیان د اسراییلي پوځ په ډزو وژل شوي دي.

فلسطینیان غواړي خپلو هغو خاورو ته د ستنېدو حق ترلاسه کړي چې د اسراییلو په رامنځ ته کېدو سره دوی ترې شړل شوي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *