د راز اونياز تصوف

(٢٦مه برخه)

ليک س، سيرت
الله تعالى په قرانکريم کې فرمايي (يَا أَيَّتُهَا النَّفْسُ الْمُطْمَئِنَّةُ ) اى نفسونو اطمينان او ډاډ ولري راوګرځي د الله لورى ته چې ستاسې نه رضا شي داخل شي زما په بندګانو او جنت دى کې دصوفى لپاره طريقه ځکه غوره لار ګرځيدلې ده چې دشريعت له ليارى حقيقت ته ځان رسوي او حقيقت ته هغه وخت يو صوفي ځان رسولاى شي چې دنفس په تزکيه دزړه اطمينان حاصل کړي او په پوره اخلاص دالله بندګي وکړي .
ځينې کسان چې مصيبت ورته ورسيږي ډول ډول ويناوې ئې له خولې وځي چې دالله دنارضايتۍ سبب ګرځي خو صوفيه کرام چې دالله په عبادت ئې زړه مطمئن وي وائې هر مصيبت دالله له لورى دى او په دې کې به لازماً دالله حکمت او راز وي پدې کې به ئې ستر خير پټ ساتلاى وي الله دپه خپلو مومنو بندګانو لپاره خير برکت دژوند کولو وسيله ګرځولې ده هغه څوک چې له يوې خوا ځانونه دالله بندان بولي او له بلې خوا له حده زيات تيرى کوي الله تعالى په اړه فرمايي ( په دغه راز مونږ له حده په تيرى کوونکو زړونو باندې مهر وواهه) سورت يونس ٧٤ ايت

صوفيه کرام داسې اشخاص دى چې دالله تعالى په هر مصيبت صبر کوي او په هر نعمت ئې په عباداتو او ذکر سره شکر ادا کوي ځکه دوي تل د الله درضا لپاره عبادات کوي او دالله دبندګانو سره مينه يې پر ځان لکه دعبادت چې الله پرې راضي کيږي لازمي کړيده الله تعالى په سورت الانفال ٤٥ ايت کې فرمائې (وذکروالله کثيرا لعلکم تفلحون) الله ډير ډير يادوئى هيله ده چې تاسې ته به برى در په برخه شي .
صوفيه کرامو دتصوف طريقه ځکه غوره کړيده چې الله ته دنږديوالى غوره لاره ده صوفيه کرام په جوماتونو کې عبادت ځانله په ګوښتوب کې عبادت او آن چې کله دشپې ارام کوي دالله تعالى په حکمتونو فکر کوي ځکه الله تعالى په سورت النساء ١٠٣ آيت کې فرمايلى دى ( کله چې دلمانځه څخه فارغ شي نو دولاړى ناستې او ملاستى پر مهال په هر حالت کې الله يادوئى ) بل ځاى په سورت الانفال ٤٥ آيت کې فرمائې ( اى مومنانو کله چې له کومې ډلې سره ستاسې مقابله وي نو کلک ولاړ اوسئ الله ډير ډير يادوئ هيله ده چې تاسې به برى در په برخه شي دصوفيه کرامو دپاکې لارې راز او نياز دتصوف دا څرګنديږي چې کاميابي دهمدوي په برخه ده ځکه چې څوک دزړه له خلاصه په شريعت سره برابر عبادات وکړي الله ترې راضي او کاميابى ئې په برخه وي .
نوربيا

Be the first to comment

Leave a Reply

Your email address will not be published.


*