روغتیا نړېواله ټولنه: نړيوال دې د کورونا وېروس مقابلې ته چمتو اوسي

د روغتیا نړېوالې ټولنې ويلي دي چې  نړۍ باید د کورونا وېروس د احتمالي وبا سره د مقابلې لپاره لاس په کار شي. یادې ادارې ویلي، لا ډېر و ختي دی چې د کورونا وېروس دې “نړواله وبا” وبلل شي خو هېوادونه باید ” چمتووالي پړاو کې” اوسي.
یوې ساري ناروغۍ ته هغه وخت نړېواله وبا ویل کېدای شي چې د نړۍ په بېلابېلو برخو کې په اسانۍ له یوه انسان څخه بل ته ولیږدي.

د کووېډ-۱۹ وېروس چې تنفسي ناروغي رامنځته کوي، هره ورځ یې نوې مثبتې پېښې رامنځته کیږي چې له چین وروسته اوس په سویلي کوریا، ایټالیا او ایران کې هم د اندېښنې وړ بلل شوي دي.

پر کورونا یا کووېډ-۱۹ وېروس د اخته کسانو ډېر شمېر په چین کې دي، چې د دې ناروغۍ مرکز بلل کېږي. هلته شاوخوا ۷۷ زره تنه پرې اخته شوي او نږدې دوه زره او ۶۰۰ یې له امله مړه شوي دي. خو اوس په دغه هېواد کې د نویو مثبتو پېښو شمېر په کمېدو دی.

له چین څخه  بهر په نورو شاوخوا دېرشو هېوادونو کې څه باندې یو زر او ۲۰۰ مثبتې پېښې ثبت شوي چې له امله یې له شلو زیات کسان مړه شوي دي.

Be the first to comment

Leave a Reply

Your email address will not be published.


*