خان او ساپيان !

ارواښاد قدرت الله حداد فرهاد

کمونستي ادبياتو ورپسې دډيموکراسۍ ادبياتو زمونږ هر څه ورک کړل ،خودا ښه ده،چې تاريخ شته .کله ،چې وغواړو خپل اصل ته ورتلاى شو .کمونيستي ادبياتو کې خان ته فيوډال ( د ډېرو ځمکو خاوند ) وويل شو. صدراعظم محمد داود ،چې جمهور رييس شو ، د خان کلمه له نومونوايسته شوه اوځينو به ليا ويل ،چې خداى دې ما خان نه کړي.برهان قاطع کې راغلي ،چې خان_ پادشاه ته وايي .چينايان پادشاه ته قغفور وايي، روميان يې قيصر نوموي، تور انيان خان مشر وايي اوپه ماورالنهر کې د هقان هم پادشاه ته وايي. خان او دهقان دواړه د عزت نومونه دي؛ځکه،چې د کلي خان د هقان دى.خاني د خلکو د زړونو دساتلو هنر دى .خوشحال خان خپل ځوى ته وايي
ته پر خانۍ نه پوهېږې.
ښه هغه ،چې په ميراث خاني ميري کا
فراغت بې غمه ناست صاحب اقبال وي
خاني اوميري، هماغه مشري ده .
ايمل خان دريا خان دواړه په ښه رنگ تير شول په ننگ کې
د دواړو پــــــــه فــــــراق کې زمــــــاتــــل آه ومـــــاتـــــم دى
خپل ځوىبهرام ته وايي :
ستا هنــــر د سردارۍ نـــــــه زده بهــــرامـــــــه
سرداري دې په خپل دور کړه بدنامه
مشر ورور دې پــــه زندان کړ ته خاني کړې
دا خاني دې شه پــــه ځان پورې حرامه

که څوک خاني او سرداري وکولاى شي ،ښه خبره ده .
انگريزانو خاني يو راز بدنامه کړه ،کمونستانو پر بل راز، خو پښتانه د خان کليمه ښه بولي ؛ځکه خاني ښه صفت دى .خان له خلکو سره په غم اوښادۍ کې ملگرى وي، خپل شته او دسترخوان له خلکو سره شريکوي ؛ځکه ،چې له عدل اولوى زړه څخه کار اخلي.
په پښتونولۍ کې خان له مشر او جرگې سره يو ځاى مسووليت ته غاړه ږدي.
ساپي او ساپيان يو ډېر لرغونى نوم دى ،چې دېرش زره کاله مخکې تر ميلاده پردوى خبرې شوې دي .
د لرغونې مديترانې په تاريخ کې دا خبره راغلې ده ،چې Sapiله ديرش زره کاله له ميلاده مخکې له خپلو سيمو خوځيدلي دي.
(HomoSapiens ) Which had originated some where in sough western Asia and Subsequently Moved westwards… at some date before 30000BC , p.31).
په نورو آثارو کې پر ساپيانو ډېرې خبرې شوې دي. دا يواځې نه دي ،د پښتنو د نورو قومونو يادونه هم په روښانه ډول شوې ده .
که دغه معلومات او پښتونولي په لرغوني تاريخ کښې و څېړل شي، ديو عمر څېړنه به وي . دا به گرانه ?وي ،چې څوک خبره رالنډه کړي اويو څه ووايي.
په يو کتاب کښې ولوستل شول ،چې سوريې ته ؛ځکه سوريه وايي ،چې هلته سره گلان ډېر کېږي او شيرشاه سوري ته ؛ ځکه سوري ويل شواى،چې سوري گلان يې خوښ ول.دا ،چې وليکل شي بيا؛نو يو بل سړى ،چې دا يې په کتاب کې ليدلي وي ، وايي ،چې د کتاب خبره ده.
د سور او سوريا په پښتو کښې کارېدلي دي . دا،چې څومره سور کارېدلاى او څومره معناوې لري ،د يادولو وړ ده . لکه سور رنگ ،سور _ گرم يا سور _سوځونکى ، سور _ جدي يا دا،چې سور شواى يا سورېدلاىدى.
د لمر رب النوع ته سوريا وايي .
دا هغه معلومات نه دي ،چې پرولاړې يې څوک زده کړي . اوس پښتانه دومره کړمن دي ،چې نه يې خپله پام دى او نه نور ورته پام کوي.
په هره توگه گرم او ملامت دي هغه ځوانان ،چې سواد يې په اروپايي خبرو کې ترلاسه کړاى او خپل قوم يې تر سترگو خوار ورغلاى وي .
ليکوال ،چې دا مطلب د((آئينه افغانستان )) په مجلې کې ليکلاى و، جنرال رحمت الله ساپي (ارواښاد) له لندن څخه وويل : غواړم دا کتاب وگورم څو ،چې ويې نه گورم منلاى يې نه شم.
ځينو لياليکلي وه ،چې ساپيان فرانسوي کلمه ده . بيا يې پسې وليکل ،چې دا خبره له فرانسي مخکې ده .دپام وړ داده ،چې تاريخي ضربه پښتنو له اروپا او انگليس څخه لېدلې ده او دادې اوس بيا هماغه انگريزان او هماغه پښتانه سره مخامخ شوي دي ، خداى تعالى دې ورته هدايت وکړي.
چند ازيــن زنبيــــل و يـن درپـوزه چند
چند ازين صبر و از ين سه روزه چند
مــــا هـــم از خــليقم جــــان داريـــم مـــــا
دولــــت امــــثـب مــــهمـــان داريم مـــا
تخم بـــــاطل را از آن مــــى کـــــاشتند
کانک آن جان نيست جان پنداشتند
داد حضرت مولينا جلال الدين بلخي خبرې دي ،چې وايي :دباطل تخم کرل شواى دى .
بلخ _ باختر _ باکتر _پاکتر_ پاکت_ پاکتيا_دا ټول له يوې چينې خړوبه شوي دي ،چې زمانې يې بڼې سره اړولې دي. کله ،چې کراري شوه، وبه لوستل شي.

Be the first to comment

Leave a Reply

Your email address will not be published.


*