ملي دولت کوم دى؟

ارواښاد قدرت الله حداد ((فرهاد))
هر دولت، چې بهرنيان جوړ کړي هغه ملي نه وي. پښتنو په تاريخ کې هڅه کړې، چې ملي دولت جوړ کړي. لوديان، سوريان او غلځيانو په هند کې دولت جوړ کړ او څو پېړۍ وچليده. بيا، چې هند مغلو ته پر لاس ورغلو پښتانه ودرېدل اود هند مغلي دولت يې ونه منلو.
د خوشحال خان بابا خټک هم دې ته پام شو. کله، چې دى له مغلو سره کندهار ته لاړ؛ نو صفويانو ونيولو. خوشحال خان بابا هلته وليدل، چې پښتانه دواړو خواو ته وژل کيږي. ده ته دا اندېښنه زرغونه شوه، چې پشتانه په دې منځ کې دل شوي دي.
لومړى:
درست پښتون له کندهاره تر اټکه
سره يو د ننگ په کار پټ او اشکار

ده ته دا فکر پيدا شو او تصميم يې ونيوه، چې:
دوه يم:
د افغان په ننگ مې وتړله توره
ننگيالى د زمانې خوشحال خټک يم

درېيم:
نه خپله راکړه ورکړه
نه خپل حکم حکومت دى
د بل حکم پرې زندان شي
چې پخپل حکم عادت دى

څلورم:
و مغلو ته به هغه چار ښکاره کړم
چې راضي راڅخه روح د فريد خان ( ) شي

پنځم: رحمان بابا وويل:
چې کشور د افغانانو معطر شي
د هر بيت مصرع مې زلفې د خوبان

دا يوه لړۍ شوه، چې د پښتنو ټولي ترې جوړه شول. په 1709 ع کال کې نوميالى ميرويس نيکه راپاڅېد او ويې ويل:
شپږم:
مونږ د عدالت لپاره پاڅېدلو
چې دين، ناموس او خپلواکي مو خوندي شي.
اووم: احمد شاه بابا وويل:
ستا د عشق له وينو ډک شول ځيگرونه
ستا په لاره کې بايللي زلمو سرونه

اتم: پښتانه اړ دي، چې تورې ته لاس کړي.
خوشحال وايي:
که کېنم ننگ و ناموس ځي
که پاڅم پاڅي توفان

ډېره اوږده لاره وهل شوې، څو بيا افغانستان جوړ شواى.
اوس څه کوئ؟
سرخاني خان د داغستان مشر نادر افشار ته وويل:
نهم:
کومه ځمکه، چې د پښتنو په وينو ساتل شوې، هغه چا ته نه پرېږدم.
لسم:
هر چا سره جگړه کولاى شم، خو خپلو پښتنو سره يې کولاى نه شم.
دا خبره سرخاني خان الکوزي هغه مهال وکړه، چې نادر افشار له کندهاره پښتانه، د هغه جگړې ته داغستان ته وروستل او د هغو سره ده جگړه ونه کړه.
يوولسم:
که يو پښتون ووژنم د هغه مور ته ځواب نه شم ورکولاى؛ ځکه هغه مور ده؛ پښتونولۍ ته افغانيت وايي او هغه له انسانيت سره يوه بولي.
که چېرې اروپا او امريکا پښتانه د طالب پرنوم وژني؛ دا د پښتون لپاره غمجنه ده او دوى زمونږ پوروړي دي. له هغو سره هغه افغانان هم، چې ناټو او امريکا سره يې لاس يو کړى دى، برخه لري.
کله، چې ښاغلى اسحق عثمان کابل ته تللاى و، يو سپين ږيري کابلي ورته ويلي وه.
بپاى مردى بيگانه به بهشت رفتن
حقا که با عافيت دوزخ يکست

Be the first to comment

Leave a Reply

Your email address will not be published.


*